Xunta de Goberno Local

XUNTA DE GOBERNO LOCAL DO CONCELLO DE CAMBRE 2023-2027

COMPOSICIÓN 

• Dª Diana Piñeiro Fernández (alcaldesa-presidenta)
• Rubén Vázquez Pérez
• Dª Patricia Esther Espiñeira Galán
• Omar Gonzalo Lamela Vázquez
• Raúl Varela Fraguío 

COMPETENCIAS

O artigo 23.2 da Lei 7/1985, do 2 de abril, reguladora das bases do réxime local, artigo 65.2 da Lei 5/1997, do 22 de xullo, de administración local de Galicia e artigo 71 do Regulamento orgánico municipal establecen que lle corresponde á Xunta de Goberno Local a asistencia ao alcalde no exercicio das súas atribucións, así como as atribucións que o alcalde ou o Pleno lle deleguen, ou as que lle atribúan as leis.

A este respecto faise constar que:

Primeiro.- O pleno municipal do Concello de Cambre non levou a cabo ningunha delegación de atribucións na Xunta de Goberno Local.

Segundo.- Por Resolución da Alcaldía núm. 391/2025, do 30 de abril, a Sra. alcaldesa delegou na Xunta de Goberno Local, como órgano colexiado, as seguintes atribucións:

1. As competencias como órgano de contratación respecto de:

• os contratos de obras, de subministración, de servizos, de xestión de servizos públicos, os contratos administrativos especiais e os contratos privados cando o seu importe non supere o 10 por 100 dos recursos ordinarios do orzamento nin, en calquera caso, a contía de seis millóns de euros, incluídos os de carácter plurianual cando a súa duración non sexa superior a catro anos, sempre que o importe acumulado de todas as súas anualidades non supere nin a porcentaxe indicada, referido aos recursos ordinarios do orzamento do primeiro exercicio, nin a contía sinalada.

• a adxudicación de concesións sobre os bens da entidade local, salvo a concesión do dereito de uso privativo sobre urnas e cinseiros no cemiterio municipal, e a adquisición de bens inmobles e dereitos suxeitos á lexislación patrimonial cando o seu valor non supere o 10% dos recursos administrativos do orzamento nin o importe de tres millóns de euros, así como o alleamento do patrimonio, cando o seu valor non supere a porcentaxe nin a contía indicados.

Esta competencia delegada levará aparellada a de autorizar e dispoñer os gastos correspondentes contra partidas orzamentarias cuxa xestión lle corresponda, en virtude do establecido nos artigos 116.5 e 117.1 da Lei 9/2017, do 8 de novembro, de contratos do sector público (LCSP) e demais actos e trámites que, en xeral, a normativa vixente atribúe ao órgano de contratación.

Quedan reservadas á Alcaldía en materia de contratación:

• a dirección e xestión administrativa da contratación municipal, así como a competencia para autorizar e dispoñer os gastos correspondentes aos contratos menores de contía inferior a 6.000 euros IVE excluído, que corresponderán, de acordo coa delegación de competencias efectuada por esta Alcaldía, ao concelleiro delegado da Área de Economía, Facenda, Contratación, Réxime Interior e Desenvolvemento Económico

• e a revisión de oficio dos actos nulos

2. A aprobación dos proxectos de obras e de servizos cando sexa competente para a súa contratación ou concesión e estean previstos no orzamento.

3. A devolución de garantías de todo tipo de contratacións e concesións que deriven de asuntos de competencia da Xunta de Goberno Local.

4. A aprobación da oferta pública de emprego de acordo co orzamento e o cadro de persoal.

5. A aprobación dos instrumentos de desenvolvemento de planeamento xeral non atribuídos ao Pleno, así como a dos instrumentos de xestión urbanística e dos proxectos de urbanización.

De conformidade co establecido no artigo 21.1 k) da Lei 7/1985, do 2 de abril, corresponden á Alcaldía o exercicio de accións xudiciais e administrativas e a resolución dos recursos de reposición que se poidan interpoñer contra as resolucións ditadas no uso das facultades delegadas.

DÍA E HORA DE CELEBRACIÓN 

A Xunta de Goberno Local reunirase, en sesión ordinaria, os martes, ás 10.00 horas.

Actas Xunta de Goberno Local