O Entroido Pequeno 2026 celebraráse o sábado 21 de febreiro de 2026, cunha xornada festiva que combinará desfile, concurso de disfraces e actuacións musicais.
Programa do sábado 21 de febreiro
-
16.30 h · Desfile de carrozas e comparsas e concurso de disfraces, presentado por José Manuel González, cantante de Los Satélites, e amenizado por DJ Manry.
-
21.30 h · Actuación musical a cargo de LOS INHUMANOS e da ORQUESTA LOS SATÉLITES.
Concurso de disfraces, comparsas e carrozas
Poderán participar nos concursos de disfraces, comparsas e carrozas as persoas e agrupacións que cumpran os requisitos establecidos nas bases reguladoras.
O período de inscrición estará aberto do mércores 11 ao mércores 18 de febreiro de 2026, ambos incluídos.
A inscrición formalizarase mediante a presentación da solicitude correspondente en calquera das oficinas de Rexistro Municipais ou a través da sede electrónica do Concello de Cambre (sede.cambre.es), sen prexuízo do disposto no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas. Para estes efectos, a data de inscrición que se terá en conta será a de entrada no Rexistro do Concello de Cambre.
Cada ficha de inscrición deberá presentarse de xeito individual, correspondendo cada asento no rexistro a unha única solicitude de participación. Non se considerarán válidos os asentos no rexistro que inclúan máis dunha solicitude.
Ficha Inscripición carrozas
Ficha Inscripición comparsas
Ficha Inscripición disfraces
Bases Entroido 2026