Plenos Municipales

Si no visualizas el vídeo dentro de esta página. Puedes ver el pleno a través de este enlace:
http://www.streaminggalicia.com/directo4

Plenos en directo

Desde aquí puede seguir en directo el Pleno de la Corporación Municipal de Cambre.
La emisión en streaming estará disponible unos minutos antes en las jornadas de Pleno.

CONVOCATORIA SESIÓN EXTRAORDINARIA DO PLENO MUNICIPAL

Data: Martes, 21 de xuño de 2022

Hora: 20:00 horas

Lugar: Salón de Plenos do Concello de Cambre

Orde do día: 

1º. Traslado ao Pleno municipal da información relativa aos importes económicos en cifras concretas que deberá prever e asumir a Intervención municipal con motivo da sentenza xudicial que revoga o nomeamento do xefe da Policía Local, tal e como vén de reflectirse no informe de control interno correspondente ao exercicio 2021

2º. Comparecencia da concelleira de Economía, Facenda e Recursos Humanos, así como do alcalde, explicando as responsabilidades políticas que deberán asumir ambos como consecuencia das resolucións anuladas na sentenza e a revogación do xefe da Policía Local

3º. Comparecencia do alcalde ou da concelleira de Economía, Facenda e Recursos Humanos na que dea resposta ás seguintes preguntas:

– Existiu algunha indicación do alcalde ou da concelleira previa á elección do método de provisión da xefatura da Policía, relativa a intentar eludir o artigo 38 da Lei de coordinación de policías locais, para favorecer a libre designación fronte ao establecido na propia RTP?

– A día de hoxe, seguen mantendo que a forma de provisión da vacante de inspector existente na RPT é a libre designación, tanto o xefe da área como os responsables políticos?

– É habitual que sexa unha información manexada popularmente o nome e apelidos da persoa que vai ocupar un posto na administración pública, mesmo antes de que sexa iniciado o proceso de provisión?

– Téndose pronunciado as iniciais en sede plenaria (telemática) por unha concelleira desta Corporación, con anterioridade á celebración do proceso de provisión, non correspondería polo responsable de Réxime Interior iniciar pescudas sobre a posible predilección do alcalde e a concelleira por outorgar o posto a unha persoa concreta, como así aconteceu posteriormente?

– Referendan o alcalde e a concelleira a carta asinada por 13 policías do corpo da Policía Local na que sosteñen estar en contra do cumprimento do establecido no artigo 38 da Lei 4/2007 que establece as posibles fórmulas de provisión da vacante de inspector?

– Existe previsión de cubrir a vacante de inspector no Concello de Cambre, toda vez que o nomeamento do inspector xefe está revogado, e en Cambre seguimos sen contar con inspector nomeado conforme co establecido pola Lei 4/2007 e a propia ficha da RPT, que recolle a provisión do inspector a través de concurso-oposición?