O Concello de Cambre celebrará este sábado, 21 de novembro, o acto de conmemoración do 25 aniversario do Museo Arqueolóxico de Cambre, un espazo de referencia para a conservación, o estudo e a divulgación do patrimonio histórico e cultural do municipio.

O acto, que terá lugar ás 12:00 horas nas propias instalacións do museo, contará coa intervención de Moncho Boga, quen, acompañado por representantes do Concello de Cambre, fará un percorrido pola historia e a traxectoria deste equipamento cultural ao longo dos seus 25 anos de actividade.

A conmemoración servirá para poñer en valor o traballo desenvolvido durante este cuarto de século, así como o papel do museo na recuperación, conservación e difusión do patrimonio arqueolóxico local, achegando a historia de Cambre a diferentes xeracións.

O Concello de Cambre convida a toda a veciñanza a participar neste encontro e a celebrar unha data significativa para a cultura e o patrimonio do municipio.

Resumen de privacidad

Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.