O Concello de Cambre pon en marcha o Ciclo de teatro de outono durante os meses de outubro e novembro no centro sociocultural do Graxal. O programa conta cunha oferta de seis representacións gratuítas. As persoas interesadas poderán reservar as súas entradas a través do teléfono 881 917 432 ou do 649 891 212 o propio día do evento. O sábado, 28 de outubro, ás 18:00 horas, Raquel Queizas visita o centro sociocultural do Graxal coa súa función de teatro familiar "Chimpo de ra". A obra está protagonizada por Nano, unha ra que crece aprendendo galego mentres escoita os contos de Raquel, e a súa irmá pequena Nona, que é torpe e non sabe saltar.