Un dos pratos fortes do Rock in Cambre será, sen dúbida, a actuación dos grupos locais, galegos, nacionais e internacionais. Con todo, o programa do festival ofrecerá numerosas actividades pensadas, especialmente, para o público infantil. Unha delas será o obradoiro 'Vive o rock... a mogollón!' Unha actividade para iniciarse á linguaxe musical. Terá lugar no Centro Sociocultural do Graxal. De 18:30 horas ás 19:30 horas. Actividade dirixida para nenos e nenas de 6 a 12 anos. As persoas interesadas terán que anotarse previamente a través do teléfono 981 61 31 93 ou no WhatsApp 649 891 212.