O Concello de Cambre, en colaboración coa Deputación da Coruña, organiza unha Feira de Oportunidades dirixida ao comercio local. Celebrarase no Paseo Marítimo (nas inmediacións de Casa das Palmeiras). Os días 22, 23 e 24 de xullo. Coa finalidade de fortalecer o comercio de Cambre, poranse a disposición dos comerciantes carpas nas que poderán expoñer e vender os seus produtos durante os días da Feira. A iniciativa está aberta a todas as persoas titulares de establecementos sitos en Cambre. O prazo de inscrición estará aberto ata o 10 de xullo.