Dentro da Rede Cultural da Deputación da Coruña, a Concellería de Cultura traerá o espectáculo de danza 'Baila un vestido verde' a Cambre. Será este venres, 22 de xullo ás 20.00 horas, no paseo marítimo do Temple (zona dos Magnolios). A actividade está dirixida para público familiar.
O Concello de Cambre organiza unha xornada sobre deporte feminino. Será o venres, 29 de xullo ás 20.00 horas, en Vila Concepción. Como parte do programa proxectaranse os documentais 'Karbo, escola de fútbol' e 'Campioas esquecidas'. A maiores, haberá unha mesa redonda na que intervirá o xornalista e editor da revista Fútbol Feminino Galego, Carlos Castro.
O Club Halterofilia Cambre organiza, en colaboración co Concello, o I Trofeo de Halterofilia Vila de Cambre. O evento celebrarase o sábado, 6 de agosto, no polideportivo Os Campóns. No certame tomarán parte o Club de Halterofilia de Cambre, o Club Halterofilia Urbi e o Club Halterofilia Coruña.
O Concello de Cambre celebrará o domingo, 7 de agosto ás 19.00 horas, o I Rock Infantil 'Rockambreir@s'. O evento terá lugar no teatro do Parque da Igrexa. Paco Pakolas será o padriño desta primeira edición na que participarán os seguintes grupos e entidades: La Gramola Gominola Rock School de A Coruña Banda Xuvenil de Sementeira Cambre
Os nenos e nenas volverán ser protagonistas no Rock in Cambre. Nesta trinta edición do festival, os máis pequenos e pequenas da casa poderán gozar, non só do I Rock Infantil (domingo, 7 de agosto, no teatro do Parque da Igrexa), senón tamén dun completo programa que o Concello organizará durante a semana do Rock […]
O Concello de Cambre celebrará a súa XXXI Carreira Popular o luns, 15 de agosto ás 10.30 horas, no pavillón Sofía Toro. As persoas interesadas poderán anotarse de xeito gratuíto ata o 12 de agosto, ás 20.00 horas, na web de Carreiras Galegas. Consultade o percorrido.
O alumnado de Debuxo Artístico de Bacherelato do centro, dirixido pola profesora Marta Moreira, participou nun proxecto conxunto con sete institutos de toda España. A inauguración será este venres, 2 de setembro, ás 19 horas e estará aberta ao público durante todo o mes de setembro.
Chega a Cambre 'Ghop', un espectáculo cheo de maxia, circo, teatro, monicreques e baile. O evento terá lugar o venres, 9 de setembro ás 18.30 horas, no Parque da Igrexa de Cambre.
Este venres, 9 de setembro ás 22.00 horas, terá lugar a proxección do documental 'O gran camiño'. Será na praza Casares Quiroga da Barcala. En caso de previsión meterolóxica adversa, a actividade trasladarase ao Centro Sociocultural da Barcala.
O Centro Sociocultural do Graxal acollerá o obradoiro-espectáculo 'Derribo da lúa', dirixido a familias e bebés. O evento terá lugar o 10 de setembro ás 18.00 horas. Para acudir, será preciso reservar os convites previamente chamando ao teléfono 981 65 62 17 (Museo Arqueolóxico de Cambre).
Dentro do programa Ler conta moito, a Biblioteca Os Templarios acollerá 'O Principiño en Madagascar'. A actividade terá lugar o 15 de setembro ás 17.30 horas. Programa Ler conta moito
O Concello de Cambre e o club XentD100cia do IES David Buján organizan a V Open Science, que terá lugar entre o 16 e o 18 de setembro. O programa ofrecerá demostracións científicas, espectáculos ao aire libre, postos de divulgación e moito máis.
