As persoas interesadas poderán apuntarse ata o 10 de outubro a través das seguintes vías: o correo electrónico igualdade@cambre.org e os teléfonos 619 45 73 24 e 649 50 98 06.
A Escola de Apoderamento Feminista de Mulleres do Rural (EspadELA) aterrará en Cambre coa celebración de varias sesións formativas. Ao longo dos talleres traballaranse temáticas como a prevención das violencias machistas, o liderado, a autoestima, etc.
O proxecto EspadELA está financiado, de forma íntegra, pola Deputación da Coruña e chegará a Cambre despois de implantarse xa nos seguintes municipios: Arzúa, Ordes, Betanzos, Moeche, As Pontes, Valdoviño, Cabanas, Teixeiro ou Sobrado dos Monxes.
Os talleres terán lugar os martes de outubro e de novembro no local social de Brexo Lema (desde as 16.00 ás 18.00 horas) coas seguintes liñas temáticas:
- ‘Con voz propia’: ao longo da iniciativa traballarase ao redor da autoestima, da participación, o liderado e da prevención das violencias machistas. Abordarase o recoñecemento persoal das mulleres como suxeitos de dereitos políticos, sociais e civís.
- ‘Habitando o noso corpo’: para traballar sobre o autorreconocimiento, o autocuidado e a expresión emocional. Utilizaranse ferramentas da biodanza, a atención plena e o ioga integral como medios para chegar a esta conexión.
- ‘Os nosos saberes’: para recuperar e poñer en común coñecementos e experiencias das mulleres sobre os diversos traballos que levaron a cabo ao longo das súas vidas, así como o territorio que habitaron.
As persoas interesadas poderán apuntarse ata o 10 de outubro a través das seguintes vías: o correo electrónico igualdade@cambre.org e os teléfonos 619 45 73 24 e 649 50 98 06.
