A pegada que os Templarios deixaron en Cambre contada a través dun xogo de rol. Esa é a proposta que a Oficina Municipal de Información Xuvenil (OMIX) ten preparada para este venres, 1 de decembro. Detrás da iniciativa atópase o traballo de Celia Fernández Guitián, unha estudante de Educación Social que está facendo as prácticas de carreira no departamento xuvenil.

O xogo busca un dobre obxetivo. Por un lado, preténdese transmitir aos máis novos a historia do Temple durante os séculos XIII e XIV, así como a vinculación da parroquia con esta orde medieval. Polo outro, máis aló do propósito formativo, a actividade deseñouse tamén para inculcar aos mozos e mozas certas habilidades sociais. Entre elas, destaca o traballo en equipo, a creatividade e incluso outras habilidades como a negociación. Desta forma, a OMIX dará resposta tamén a unha das solicitudes máis demandadas durante o último proceso participativo Faite Oír!

O xogo de rol estará ambientado na feira Burgo de Faro, unha cita de referencia nesa época. Durante a mesma, xurdirá un conflito entre bandos (Templarios, artesáns e artistas) pola xestión deste gran mercado. Para vencer a contenda e facerse coa xestión do mesmo, os equipos participantes deberán enfrontarse a diversas probas de lóxica, orientación espacial e desafíos diplomáticos.

La actividade desenvolverase, no solo no interior de Casa das Palmeiras, senón que os espazos exteriores servirán tamén de escenario.

Preparación

A actividade deste venres estivo precedida dunha tarde de preparación na que a mocidade puido crear as súas personaxes e confeccionar os seus disfraces.

O xogo terá lugar en Casa das Palmeiras o venres, de 18.00 a 20.00 horas. O prazo de inscrición para ambas as actividades xa está aberto. As persoas interesadas poderán anotarse a través da páxina web.