A Oficina Municipal de Información Xuvenil de Cambre vestirase coas súass mellores galas para celebrar a Palmeiras Choqueira, unha festa pensada para os máis novos do municipio. A cita terá lugar este venres, 28 de febreiro, a partir das 18.00 horas na instalación xuvenil de O Temple.

A celebración está encadrada dentro do programa Por fin é Venres e incluirá xogos, karaoke, baile e mesmo un desfile de disfraces. O remate estará marcado pola entrega de galardóns, cos que se premiará ao disfrace máis orixinal, o máis elaborado e o máis divertido.

O broche de ouro será unha merenda colaborativa na que cada persoa participante levará a Casa das Palmeiras algunha receita, prato ou sobremesa típico da época para compartir co resto.

As persoas interesadas poden inscribirse xa a través do formulario web habilitado na páxina web da OMIX.