A Peña Ciclista Monte Xalo organiza este sábado, 23 de setembro, a IX edición do Paseo Ciclista Senda do Mero. Trátase dunha actividade solidaria na que os participantes poderán doar alimentos non perecedoiros que irán para a despensa municipal.

Os ciclistas participantes partirán desde a Casa do Concello ás 17.00 horas. Desde alí, dirixiranse ao paseo fluvial para completar o traxecto de ida e volta. En total, cubrirán unha distancia de 11 km de dificultade baixa, saíndo desde o leito do río Mero para chegar ata Peiraio, nas inmediacións do encoro de Cecebre.

Con esta proba non competitiva, a agrupación busca fomentar o uso da bicicleta como método de desprazamento sostible e saudable. As persoas interesadas en participar poderán inscribirse, de forma gratuíta, a través da páxina web www.pcmontexalo.com.