La Policía Local iniciará mañá, mércores 15 de xuño, unha nova campaña de seguridade viaria. Neste caso, centraranse esforzos en evitar que os condutores utilicen o móbil nas proximidades dos pasos de peóns. A iniciativa estará activa ata o 24 de xuño, e tras a realización dunha análise das diferentes sendas do municipio, estas tarefas levaranse a cabo nas sendas que entrañan un maior risco para o viandante. Isto é, naqueles puntos nos que non só se rexistra máis afluencia de vehículos, senón tamén de peóns. A Policía realizará estes labores tendo en conta as últimas medidas introducidas pola Lei 18/2021 e que modifica a Lei de Seguridade viaria. Estas novidades contemplan a detracción de seis puntos cando se circule suxeitando na man o teléfono móbil. A multa será de tres puntos cando o dispositivo manipúlese nun soporte ou similar. As contías por estas infraccións serán de 200 euros (100 euros por pronto pago) segundo o artigo 76, apartado g) do RDL 6/2015 da Lei de Seguridade viaria. Para realizar estes controis, os axentes municipais colocaranse en puntos nos que dispoñan dunha boa perspectiva sobre os condutores, aos que lles darán o alto en caso de cometerse unha infracción.