A Policía Local interpuxo, onte, unha multa de 1.000 euros (500 euros por pronto pago) a un condutor por dar positivo nun test de drogas. Esta infracción supuxo, ademais da sanción económica, a retirada de seis puntos do carné. Os feitos producíronse na parroquia de Sigrás, cando os axentes municipais se desprazaron ao lugar tras recibir o aviso dun particular que advertía de que se producira un accidente na zona.
O incidente tívose lugar onte, ao redor das 17.30 horas, na AC-213, no tramo comprendido entre as rotondas dos Campóns e a do Mesón Vasco. No mesmo viuse implicado o condutor deste vehículo que, despois de perder o control do mesmo, impactou contra un noiro de terra.
A Policía someteu ao home a un test de drogas que lanzou un resultado positivo. Este tipo de incumprimentos están recollidos na Lei de Tráfico e Seguridade viaria como infraccións moi graves.
Debido ao accidente, os axentes tiveron que regular o tráfico na zona, dando paso alternativo aos automóbiles que circulaban entre ambos os puntos. Na intervención tomou parte, ademais, Protección Civil, que se encargou de limpar a calzada.
