A intervención comprometida, cun investimento estimado de preto de 900.000 euros, centrarase nunha extensión duns 17 quilómetros

A conselleira de Medio Ambiente e Cambio Climático, Ángeles Vázquez, e a alcaldesa de Cambre, Diana Piñeiro, acordaron onte asinar un convenio para o arranxo de diferentes infraestruturas no río Mero, ao seu paso polo Concello de Cambre. A actuación, que afectará a unha extensión aproximada de 17 quilómetros, conlevará un investimento de preto de 900.000 euros. No transcurso da reunión, na que participou o director de Augas de Galicia, Roi Fernández, abordouse a situación desta infraestrutura, de gran demanda por parte dos veciños, non só do Concello de Cambre, senón de toda a área metropolitana, para actividades como sendeirismo ou roteiros ciclistas. Con todo, o mal estado no que se atopa actualmente, con diversos tramos pechados, fai necesaria a reposición ao completo deste servizo.