O Concello de Cambre publica a acta do sorteo público realizado o pasado 16 de decembro para seleccionar aos participantes na Campaña da neve 2025 da Deputación da Coruña.
Dita campaña realizarase na estación invernal de Valgrande-Pajares (Asturias), para nenos e nenas empadroados nun concello da provincia da Coruña, de 11 a 15 anos inclusive cumpridos a 31 de decembro de 2024.
Ao Concello de Cambre correspóndenlle 12 prazas na primeira quenda, do 17 ao 20 de xaneiro de 2025. Os participantes gozarán de catro días con aloxamento e manutención, ademais de cursos de esquí na estación Valgrande-Pajares (Asturias).
