O Concello de Cambre vén de adxudicar as obras de reforma do parque infantil da rúa Francisco Rodríguez, no Temple, co obxectivo de renovar este espazo e mellorar as súas condicións de seguridade, accesibilidade e uso.

A actuación, incluída no Plan provincial de cooperación ás obras e servizos de competencia municipal (POS+ Adicional 2/2023), permitirá modernizar as instalacións e mellorar o seu estado actual.

O contrato foi adxudicado á empresa EULEN, S.A., tras o acordo adoptado pola Xunta de Goberno Local o pasado 5 de marzo de 2026. O proxecto conta cun orzamento base de 144.757,06 euros e foi adxudicado por un importe de 121.000 euros, tras o correspondente proceso de licitación .

As obras incluirán a renovación integral do parque, con actuacións como a instalación dun peche perimetral, a substitución do mobiliario existente e a plantación de arborado.

Unha vez formalizado o contrato, poderase iniciar a execución das obras conforme ao proxecto técnico aprobado.