Os hoteis para paxaros instalados en Casa Arrigada verán ampliada a súa carteira de clientes. Ata agora, as casas-niño colocadas no xardín da instalación xuvenil acollían, unicamente, a aves. Como novidade este ano, desde a Oficina Municipal de Información Xuvenil promoveron tamén a instalación dun refuxio para morcegos.

A iniciativa púxose por primeira vez en marcha no 2022 dentro do programa da área de Xuventude ‘Por fin é venres’. A proposta contou coa colaboración da Reserva de Biosfera Mariñas Coruñesas e Terras do Mandeo, que donou estas construcións ao departamento municipal, e dun particular que cedeu tamén a construción para os morcegos.

Pola súa parte, os mozos e mozas participantes nas actividades da OMIX volveron a encargarse do mantemento destos elementos para que poidan seguir sendo un auténtico fogar para istos animais.

A colocación das casas realizarase nos próximos días, coincidindo coa época na que istos animais buscan niños para criar aos seus polluelos. En total colgaranse cinco destas construcións: catro en Arrigada e unha máis no paseo fluvial do Mero, na zona máis próxima á instalación xuvenil.