Avanzan os murais do V Cromático Mural Fest

14 Xul 2022

  • Continúan traballando os artistas, Mon Devane, Socatoba, Magda Cwik e Huariu, que plasmarán as súas creacións en Sigrás, Cambre, A Barcala e Ou Amorne.
  • A polaca Magda Cwik anima a que calquera persoa que o desexe poida axudala durante o proceso creativo.

Os murais urbanos do Cromático Mural Fest continúan tomando forma. Esta é a quinta edición dun evento co que o Concello de Cambre pretende levar a arte urbana ás rúas do municipio e que este ano chega, por primeira vez, mais alá das zonas urbanas.

Mon Devane (Galicia), Socatoba (natural de Badaxoz e residente en Barcelona), Magda Cwik (Polonia) e Huariu (Portugal) son os artistas invitados que, ata o domingo 17 de xullo, están a encher de cor o municipio e sumarán así máis obras ao museo ao aire libre municipal que se crea a través deste festival e que, cando finalice esta edición, contará con 30 obras. Trátase dunha proposta equitativa e con expoñentes de Galicia, España e tamén de Portugal e Polonia.

As obras están a realizarse en Cambre, A Barcala, O Temple e Sigrás, chegando así por primeira vez ás parroquias fóra do núcleo urbano. O galego Mon Devane está a traballar no antigo Hostal Alba (Vos Campóns, Sigrás). O portugués Huariu é o encargado de poñerlle cor a unha parede de Cambre (nas inmediacións da estrada Cambre-O Temple). A artista Socatoba (natural de Badaxoz e residente en Barcelona) fai o propio en O Temple, pintando no coñecido como Parque do xardín (baixo a ponte da autoestrada). Por último, a polaca, Magda Cwik, deixa o seu sinal na urbanización A Barcala (rúa Río Sil), dando continuidade ao mural que se realizou en 2021.

Neste caso, a polaca anima a que calquera persoa que o desexe poida axudala durante o proceso creativo. Tras o éxito que o mural colaborativo tivo na pasada edición, o Concello propuxo continuar con este traballo, apostando igualmente por converter o edificio Lumiera nun bosque animado. A actividade realizarase os días 13, 14 e 15 de xullo e está aberta á participación de calquera persoa. A isto hai que sumar a organización de varios obradoiros, impartidos por Viviana Lucciano e Tope Rodríguez.

Tamén che pode interesar