As obras, que acaban de iniciarse, supoñerán a mellora das condicións de accesibilidade e mobilidade, así como a posta en valor de elementos patrimoniais como a igrexa de Santa María e o cruceiro.
O alcalde explica que estas intervencións “seguen a liña de traballo pola que apostamos nos últimos anos e coa que buscamos crear espazos de encontro, lecer e esparexemento para vos veciños e veciñas”.
Unir o Campo dá Feira, a praza Europa e a zona da Casa do concello, creando un espazo no que o veciño sexa o protagonista. Esa é a proposta do Concello de Cambre para o núcleo urbano e que se fará realidade, proximamente, a través da remodelación da zona exterior da Casa Consistorial. O proxecto, que acaba de iniciarse, supoñerá a creación dun espazo público na parte frontal da Casa do Concello, dando continuidade a outras intervencións executadas nos últimos anos. O alcalde, Óscar García Patiño, sinala que estas obras supoñen dar un paso máis “para seguir avanzando na peonalización das zonas urbanas. Neste caso, garantiremos a conexión peonil entre o Campo da Feira, a praza Europa e a Casa do Concello”. García Patiño indica, ademais, que estas actuacións “seguen a liña de traballo pola que apostamos nos últimos anos e coa que buscamos crear espazos de encontro, lecer e esparexemento para os veciños e veciñas”.
As obras foron adxudicadas por máis de 60.000 euros e, con elas, cumpriranse os seguintes obxectivos: mellorar as condicións de accesibilidade e mobilidade peonil, poñer en valor os diferentes elementos patrimoniais da zona (igrexa de Santa María de Cambre e cruceiro) e garantir unha maior continuidade co Campo da Feira e a praza Europa.
Creación dun novo espazo de estancia
