Cambre está a buscar aos pastorciños e pastorciñas que acompañarán ás súas Maxestades de Oriente na Cabalgata de Reis de 2023. A través desta iniciativa, ofreceranse un total de 62 prazas: 36 para o percorrido da Cabalgata do Temple e 26 para a da Barcala – Cambre. A proposta está dirixida a nenos e nenas nados nos anos 2012 e 2013, que poderán ir acompañados pola súa nai ou pai cubrindo, para iso, a ficha correspondente.
As persoas interesadas poderán apuntarse ata o martes, 20 de decembro. Para iso, poderán encher a ficha de inscrición –dispoñible tanto na web municipal como nos rexistros- e entregala nos rexistros ou na sede electrónica.
O 22 de decembro ás 13.00 horas realizarase un sorteo no departamento de Cultura para designar ás persoas participantes que irán en cada carroza e en cada percorrido. O día 28 do mesmo mes, ás 20.15 horas, terá lugar unha reunión informativa no centro sociocultural da Barcala.
Melloras no Sentido de Circulación: Cambre Moderniza o Tráfico en Rocón
O Concello de Cambre implementou cambios no sentido de circulación na localidade de Rocón, unha zona próxima á capital...