Cambre vivirá, a próxima semana, o pistoletazo de saída do programa Ler conta moito, que incluirá a realización dunha decena de actividades de promoción e animación á lectura nas bibliotecas: Biblioteca Central, Os Templarios e Xabier P.Docampo. A programación prolongarase entre os meses de setembro e outubro e, con ela, buscarase fomentar a lectura e o uso dos servizos da rede de bibliotecas públicas entre o público infantil. A primeira actividade celebrarase o vindeiro xoves, 15 de setembro ás 17.30 horas, na biblioteca Os Templarios. Ese día, Raquel Galavís aterrará co seu espectáculo ‘O Principiño en Madagascar’, para nenos e nenas de entre 6 e 12 anos. Ao día seguinte, 16 de setembro ás 17.30 horas, terá lugar ‘Os contos de Pablísimo’ (a partir de 4 anos) na biblioteca Xabier P. Docampo. O programa Ler conta moito está promovido pola Secretaría Xeral de Cultura da Xunta de Galicia a través da Rede de Bibliotecas Públicas de Galicia en colaboración coas bibliotecas de Cambre. O obxectivo principal desta iniciativa non é outro que facilitar o desenvolvemento cultural como vehículo para o crecemento persoal e colectivo, valorando o papel do libro e o da lectura como elemento de transmisión do coñecemento e a reflexión para o conxunto da poboación. Programa Ler conta moito