O Concello inaugurará este xoves, 20 de xuño, a exposición PekeArtistas. A mostra, conformada por unha vintena de obras, é o resultado do traballo de 15 nenos que participaron, ao longo do curso, nas clases de pintura da Asociación Cultural Santa María de O Temple. A súa profesora, Carmen Quiñoá Rodríguez, incide en que se trata da “primera exposición de todos los pequeños, que tienen edades comprendidas entre los 4 y los 14 años”. A inauguración será en Vila Concepción, ás 19.00 horas, e poderá visitarse ata o 8 de xullo.

A mostra reúne unha vintena de traballos realizados nas propias sesións de pintura e con temáticas moi diversas. Tal e como explica a mestra, “hay niños muy pequeños para los que este ha sido su primer acercamiento a la pintura, por lo que las personas verán algunas obras más abstractas, pero también otras muchas reconocibles y que incluso destacan por su técnica y colorido”.

A colección incluirá unha reprodución do Partenón de Atenas realizado por unha nena que viaxou recentemente á capital. Así mesmo, o público atopará un lenzo da Mariña da Coruña ou un bodegón con copas que leva a firma dun neno de Cambre, entre outras creacións. En canto á técnica, os artistas empregaron acuarela e pintura acrílica para materializar os seus traballos.