O Concello e a Asociación XentD100 despediron, esta mañá, a VII Open Science. Fixérono coa entrega de galardóns cos que se recoñeceu ás novas promesas da ciencia, procedentes tanto de Galicia como doutros puntos de España e mesmo do estranxeiro.

A entrega correu a cargo da alcaldesa, María Pan Lesta, e do concelleiro de Economía, Facenda, Innovación Tecnolóxica e Seguridade Cidadá, Daniel Mallo. Durante a súa intervención, a rexedora felicitou a todos os galardoados, aos que animou a seguir “aprendendo e participando neste tipo de iniciativas”. Pan Lesta aproveitou a ocasión para agradecer o traballo e esforzo “amosado polo medio centenar de voluntarios e voluntarias da Open, así como polas codirectoras, Aroa e Paula, sen cuxo traballo non se podería facer a feira”.

Nesta edición, entregáronse numerosos premios dirixidos ao alumnado de primaria, secundaria e bacharelato e, ademais, aos proxectos que cumprían con algún dos Obxectivos de Desenvolvemento Sostible.