A batalla entre os castrexos e os romanos, os dous bandos enfrontados na VII Galaicoi, parece non ter fin. Pasou xa un día desde o inicio das hostilidades entre ambas as faccións, pero, ata o de agora, ningunha se posicionou como clara vencedora da contenda. Ao longo do día está prevista unha escaramuza e o asedio e asalto ao castro.

A maiores, as persoas que se acheguen ata Cambre ao longo do día poderán gozar dun mercado galaico-romano composto por preto de 50 postos, talleres de oficios tradicionais, música e teatro da man da compañía Noite Bohemia.

Batalla final

Cambre acollerá mañá, domingo 21 de xullo, a batalla final entre ambos os bandos. Esta terá lugar ás 19.00 horas e ás 19.45 horas levará a cabo a firma da paz.