O novo curso escolar 2024/2025 chega co inicio da oferta de actividades socioculturais de proximidade, unha iniciativa coa que o goberno local busca achegar ás parroquias distintas propostas de lecer para os veciños. As actividades arrincarán o 14 de outubro e terminarán o 31 de maio de 2025, excepto as de manexo de móbil e tablet, que teñen unha duración específica. As persoas interesadas poderán anotarse desde mañá, mércores 25 de setembro, ata o 4 de outubro. Para iso, deberán cumprimentar o formulario de inscrición dispoñible na páxina web municipal e entregalo nos rexistros municipais ou a través da sede electrónica.
A oferta municipal do curso 2024/2025 inclúe as seguintes propostas:
- Reforzo de memoria: dispoñible na urbanización A Barcala, en Anceis, en Brexo-Lema, Bribes, Cambre, Cela, Meixigo e O Temple. Neste último caso, ofreceranse sesións dous días á semana debido á alta demanda.
- Manualidades: na Barcala, Anceis e O Temple.
- Pintura: en O Temple (dous grupos á semana
- Sevillanas: en O Temple
- Informática básica: na Barcala e O Temple
- Manexo de móbil e tablet: en Brexo Lema, Sigrás, Pravio, Meixigo, Cecebre e Cela.
- Patchwork: urbanización A Barcala
- Costura e confección: na Barcala
- Cestería: en Cambre
Para poder realizarse, as actividades deberán ter un número mínimo de persoas rexistradas. No caso de que o número de solicitudes supere o de prazas, levará a cabo un sorteo público o mércores, 9 de outubro. As inscricións continuarán abertas sempre que queden prazas vacantes, adxudicándose por orde de entrada.
