O Concello de Cambre pon en marcha o seu programa de actividades deportivas da Escola de Actividades Físicas e Saúde para o ano 2025, con ata 290 prazas repartidas entre as diferentes propostas ofertadas. O prazo de inscrición estará aberto desde este luns 9 de decembro ata o día 16, e as actividades levaránse a cabo entre xaneiro e decembro de 2025 (salvo en xullo e agosto).
A nova convocatoria incluirá as seguintes propostas:
· Ioga: luns e mércores, de 18.45 a 19.45 horas, no ximnasio Oliver Docampo.
· Taichi: martes e xoves, de 20.30 a 21.30 horas, no ximnasio Oliver Docampo.
· Relaxación no Graxal: luns e mércores, de 19.00 a 20.00 horas, no centro sociocultural O Graxal.
· Relaxación na Barcala: martes e xoves, de 19.00 a 20.00 horas, na Xogoteca.
· Ximnasia de mantemento de Cambre: luns, mércores e venres, de 18.15 a 19.15 horas, no pavillón Sofía Toro.
· Ximnasia de mantemento de Brexo: luns, mércores e venres, de 19.30 a 20.30 horas, no polideportivo Bernardo Bish.
· Ximnasia de mantemento do Temple: luns, mércores e venres, de 21.00 a 22.00 horas, no polideportivo do Temple.
· Ximnasia de mantemento dos Campóns: luns, mércores e venres, de 19.30 horas a 20.30 horas, no pavillón dos Campóns.
· Ximnasia de mantemento para a terceira idade do Temple: luns e mércores, de 11.00 a 12.00 horas, no centro da terceira idade do Temple.
· Ximnasia de mantemento para a terceira idade de Cecebre: martes e xoves, de 17.30 a 18.30 horas, no local social de Lendoiro.
· Ximnasia de mantemento para a terceira idade de Meixigo: martes e xoves, de 11.00 a 12.00 horas, na Casa do Pobo.
· Ximnasia de mantemento para a terceira idade de Santa María de Vigo: luns e mércores, de 17.15 a 18.15 horas, no centro da terceira idade de Santa María de Vigo.
O Concello establece un número mínimo e máximo de persoas rexistradas. As propostas que reúnan o mínimo de inscricións comezarán a partir do 7 de xaneiro de 2025. En todo caso, o Concello manterá aberta a inscrición ás Escolas durante todo o ano.
O período de inscrición estará aberto do 9 ao 16 de decembro. As solicitudes poderán tramitarse nos rexistros do Concello ou a través da Sede electrónica.