Cambre promove a creatividade dos máis novos cunha nova edición do certame literario Xoán Díaz

20 Mar 2023

O Concello de Cambre busca promover a creatividade dos máis novos coa posta en marcha dunha nova edición do certame literario Xoán Díaz. O concurso estará dividido en tres categorías en función das idades das persoas participantes –que irán desde os 12 aos 26 anos- e contará con tres modalidades: poesía, narración breve e microteatro.

Cada persoa poderá presentar unha proposta en calquera das modalidades. Na de poesía deberán enviarse, como mínimo, tres poemas de tema e forma libres; na de narración breve a extensión será de cinco páxinas, a unha cara e con temática libre; na de microteatro a extensión será de entre cinco e dez páxinas, a unha soa cara e de temática libre.

Independentemente da modalidade, todas as obras deberán estar escritas con computador, en tamaño A4, cun interliñado simple e tamaño de letra 12. Así mesmo, deberán estar paxinadas e sen asinar. Os traballos terán que estar escritos en galego e deberán ser orixinais, inéditos e non ser premiados previamente.

Os traballos poderán enviarse por correo electrónico á dirección certamexoandiaz@cambre.org ata o 15 de abril (incluído). No asunto de o email deberá figurar o pseudónimo do autor, así como no corpo de texto, onde deberá aparecer, ademais, o título da obra e a categoría. No correo achegaranse tres arquivos de PDF: o primeiro levará a ficha de inscrición do participante, o segundo o DNI e, finalmente, no terceiro, o traballo –que terá que conter o pseudónimo e o título da obra-.

O fallo do xurado darase a coñecer o 19 de maio de 2023. O Concello outorgará os seguintes premios por categoría e modalidade:

  • Categoría A (de 12 a 14 anos)

– 1º premio: 173 euros

– 2º premio: 128 euros

  • Categoría B (de 15 a 18 anos)

– 1º premio: 218 euros

– 2º premio: 150 euros

  • Categoría C (de 19 a 26 anos)

– 1º premio: 300 euros

– 2º premio: 173 euros

Bases do Certame Literario Xoán Díaz

 

Tamén che pode interesar

Resumen de privacidad

Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.