A xunta de goberno local aprobou o venres o expediente de contratación para a produción do Entroido Pequeno de Cambre, que se celebrará o sábado 25 de febreiro no Campo da Feira. O valor total do contrato ascende a 39.425,47 euros.
A empresa adxudicataria deberá realizar os servizos propios da produción do evento, incluíndo a contratación artística da Orquestra Fania Branco Show, As Supremas de Móstoles e DJ Underbud.
O contrato tamén contempla o alugueiro e montaxe de escenarios, estruturas de acceso, valado de seguridade, equipo de iluminación e servizos de asistencia técnica, entre outros.
