A xunta de goberno local aprobou, esta semana, a campaña de dinamización comercial de Nadal. O Concello sacou o contrato a licitación por un valor estimado de 52.000 euros e, en el, inclúense varios servizos: a instalación dun Poboado de Nadal no Temple no que se realizarían actividades de animación, a campaña de Rasca e gaña e la creación dunha nova páxina web para o XIV Concurso de Escaparates de Navidad, entre outros.

O edil de Desenvolvemento Socioeconómico, Diego Alcantarilla, sinalou que o obxectivo de todas estas propostas “é estimular o consumo nos comercios locais durante a época de Nadal”. Trátase dunha meta que se conseguirá, non só co Rasca e gaña e o Concurso de Escaparates, senon tamén co Poboado de Nadal, “que estará situado no Temple, unha das zonas nas que se concentra un maior número de establecementos comerciais”.

O contrato estructúrase en varios lotes. O primeiro inclúe a instalación e dinamización do poboado e a distribución de árbores de Nadal entre os establecementos que participen na campaña. O segundo está pensado para a subministración dos lotes de produtos de Nadal que se entregarán como premios no Rasca e gaña. O terceiro e último lote comprende a realización de tareas de sensibilización, prestación de apoio técnico aos establecementos participantes, seguimento da iniciativa, configuración e actualización da aplicación móbil Disfruta Cambre e a creación dunha web para o Concurso de Escaparates.

Poboado de Nadal

O Poboado de Nadal estaría composto por unha casa de Papá Noel, outra de actividades, outras construcións decorativas complementarias. Este recinto disporá dunha árbore central e doutros elementos de iluminación e decoración que permitirán ambientar a zona. Como nos últimos Nadais, o Concello organizará varias actividades de dinamización dirixidas aos nenos e nenas.