A Deputación da Coruña organiza a Campaña da neve 2025, que se realizará na estación invernal de Valgrande-Pajares (Asturias), para nenos e nenas empadroados nun concello da provincia da Coruña, de 11 a 15 anos inclusive cumpridos a 31 de decembro de 2024.
Ao Concello de Cambre correspóndenlle 12 prazas na primeira quenda, do 17 ao 20 de xaneiro de 2025. Os participantes gozarán de catro días con aloxamento e manutención, ademais de cursos de esquí na estación Valgrande-Pajares (Asturias).
Cada participante abonará unha cota de 85 euros.
As preinscricións entregaranse no rexistro municipal do Concello (cita previa) ou a través da Sede electrónica, do 8 de novembro ao 2 de decembro (ambos inclusive).
No caso de recibirse máis solicitudes que prazas, realizarase un sorteo público o 11 de decembro ás 12:00 horas no salón de plenos do Concello, no que terán preferencia os nenos e nenas que nunca asistisen a estas campañas.
Coa folla de inscrición débese achegar toda a documentación requirida, e unha vez realizado o sorteo, comunicarase ás persoas seleccionadas o número de conta para realizar o ingreso da cota.
Toda a información está dispoñible na páxina web da Deputación da Coruña: https://www.dacoruna.gal/deportes/campana-neve/
