Casas da xuventude

As casas de xuventude de Cambre son uns lugares de encontro abertos á mocidade onde podes atopar un espazo ideal para a participación, a información, a aprendizaxe e a socialización a través de accións de lecer e o tempo libre. 

As Casas ofrecen un marco seguro e saudable onde desenvolver proxectos individuais ou colectivos contando co apoio, asesoramento e/ou guiado de profesionais con formación e habilidades específicas en xuventude. 

As casas adoitan ser o espazo onde se realiza o primeiro contacto entre a mocidade e a Administración; isto é unha boa oportunidade para se coñecer e establecer as primeiras canles de comunicación. 

Cada unha das Casas conta con tres espazos claramente diferenciados: 

– Servizo de información Xuvenil; a OMIX* (en Casa Arrigada) e o PIX** (en Casa Palmeiras)

  • Información xuvenil en xeral
  • Taboleiros de autoconsulta
  • Activación carné xove
  • Tarxetom
  • Asesoramento para asociacionismo xuvenil
  • Wifi aberto
  • Ordenadores de uso público para a mocidade 

* OMIX: Oficina Municipal de Información Xuvenil

** PIX: Punto (Municipal) de Información Xuvenil 

– Sala de xuntas; espazo de reunión para pequenas xuntanzas

  • Espazo para xuntanzas e encontros de entidades ou grupos xuvenís informais
  • Posibilidade de uso como zona de estudio en épocas de exames
  • Zona de obradoiros 

– Espazo xuvenil; punto de encontro para mocidade

  • Espazo para quedar con teus amigos/as e/ou coñecer xente da túa idade
  • Futbolín
  • Tenis de mesa
  • Tv Pantalla grande
  • Espazo para actividades xuvenís
  • Xogos

Cambre conta con dúas casas de xuventude. Hai unha na vila de Cambre (fronte á estación do tren), a 800 mts da casa do concello, en dirección Sigrás. A outra casa está no Temple, no paseo maritimo (diante da rotonda que da acceso á autopista AP-9), ao lado da gran marquesina – parada de autobús. Ambas Casas están atendidas por persoal cualificado en materia xuvenil. 

As persoas destinatarias das casas son mocidade entre os 12 e os 30 anos.

 CASA DAS PALMERAS

DIRECCIÓN:Cuesta de la Tapia, 1 (Paseo Marítimo) – EL TEMPLE – 15679 – Cambre (A Coruña)
TLF E MAIL DE CONTACTO  981612103   xuventude@cambre.org  omix@cambre.org
OUTROS MEDIOS DE CONTACTO APP:

CASA DA ARRIGADA

DIRECCIÓN:  Estrada Estación, 52, 15660 Cambre, A Coruña
TELEFONO E MAIL:  981 61 31 70    xuventude@cambre.org