As clases de 4º de ESO do IES David Buján contarán, ata final de curso, con catro novas alumnas. A través dun programa de intercambio de longa duración dentro do Erasmus+, as mozas chegaron a Cambre o pasado 21 de maio e concluirán o curso escolar no centro cambrés, onde cursarán todas as materias do programa lectivo -agás galego-. As mozas son naturais de Menton, un pequeno pobo da Costa Azul de Francia, e estudan no Institution Saint Joseph de Roquebrune Cap-Martin.

A iniciativa non concluirá aí, senón que no mes de setembro, catro alumnas do David Buján farán o propio e viaxarán ata o centro de ensino de Francia, iniciando o novo ano académico no país galo. De igual forma, as mozas realizarán unha estancia dun mes, regresando no mes de outubro.