Catro voces femininas falarán sobre rock e xénero como parte do XXX Rock in Cambre

8 Ago 2022

Tamén che pode interesar

 O debate será o xoves, 11 de agosto, ás 19.30 horas no centro sociocultural da Barcala.

A maiores, o Concello organiza taller de customización de camisetas impartido por Rocío Mañá Bouzón. Será tamén o xoves, de 18.00 a 19.30 horas, na aula de costura da urbanización A Barcala.

A presenza da muller no panorama musical, en xeral, e no rock, en particular. Eses serán dous dos temas que se falarán no debate que o Concello organiza dentro do programa de actividades do XXX Rock in Cambre. A proposta levarase a cabo este xoves, 11 de agosto, ás 19.30 horas no centro sociocultural da Barcala.

O debate estará moderado pola experta en igualdade, Cristina Bajo Enríquez e, no mesmo, intervirán as seguintes mulleres referentes dentro do sector: a cantante e empresaria, Iria Mejuto Buceta, a técnica de son e baterista, Helena Barreiro del Río e a técnica de son e de escenario, Julia Hortas Torrón.

A maiores, en colaboración coa Asociación de Veciños A Unión de Brexo-Lema, o Concello organizará un taller de customización de camisetas que impartirá Rocío Mañá Bouzón. A actividade está dirixida a nenos e nenas a partir dos 10 anos e, con ela, búscase que poidan preparar os seus mellores galas para o inicio do propio festival. Ao longo da iniciativa practicaranse técnicas como o tie dye ou o estampado, entre outras. O taller terá lugar o xoves, día 11, de 18.00 a 19.30 horas na aula de costura da urbanización A Barcala. As prazas son limitadas, polo que as persoas interesadas deberán reservar a súa chamando ao teléfono 981 65 62 17.