O Entroido Pequeno 2026 celebrarase en Cambre o sábado 21 de febreiro
O Concello de Cambre celebrará o Entroido Pequeno 2026 o vindeiro sábado 21 de febreiro, no Campo da Feira, cunha xornada festiva que combinará desfile, concurso de disfraces e actuacións musicais, consolidando esta cita como unha das celebracións máis destacadas do calendario festivo municipal.
Programación do Entroido Pequeno 2026
A xornada dará comezo pola tarde, coa celebración do desfile e do concurso de disfraces:
-
16.30 horas · Desfile de carrozas e comparsas e concurso de disfraces, presentado por Noly, cantante da Orquestra Los Satélites, e amenizado por DJ Manry, que se encargará de poñer ritmo ao evento durante toda a tarde.
Xa pola noite, a festa continuará cunha destacada proposta musical:
Actuación musical a cargo de LOS INHUMANOS e da ORQUESTA LOS SATÉLITES, nun espectáculo aberto ao público que porá o broche final á celebración.
Concurso de disfraces, comparsas e carrozas
No marco do Entroido Pequeno 2026 celebrarase o concurso de disfraces, comparsas e carrozas, no que poderán participar persoas e agrupacións que cumpran os requisitos establecidos nas bases reguladoras.
O período de inscrición permanecerá aberto do mércores 11 ao mércores 18 de febreiro de 2026, ambos incluídos.
A inscrición formalizarase mediante a presentación da solicitude correspondente en calquera das oficinas de Rexistro Municipais ou a través da sede electrónica do Concello de Cambre (sede.cambre.es), sen prexuízo do disposto no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas. Para estes efectos, a data de inscrición que se terá en conta será a de entrada no Rexistro do Concello de Cambre.
Cada ficha de inscrición deberá presentarse de xeito individual, correspondendo cada asento no rexistro a unha única solicitude de participación, de acordo co establecido nas bases.
As bases reguladoras e as fichas de inscrición atópanse dispoñibles nesta mesma páxina para a súa consulta.
https://cambre.es/entroido-pequeno-2026