Este vernes, 11 de agosto, o Parque da Igrexa de Cambre acollerá a segunda edición do Rock Infantil. Unha cita musical, situada dentro do programa do Rock in Cambre. A partir das 18:30 horas as personas asistentes poderán gozar das actuacións de Uxía Lambona e a Banda Molona, de Mamá Cabra (Gloria Mosquera e Diego Maceiras) e da Banda Xuvenil Sementeira Cambre. A maiores, Lola, Jamid e Bautista, alumnado de Oratoria do IES Afonso X O Sabio, serán os encargados de presentar e conducir o evento.