Vila Concepción acollerá o 21 de marzo a inauguración da quinta e derradeira exposición da iniciativa 'Historias detrás dun cadro'. Nesta ocasión, a mostra recollerá o traballo pictórico de oito artistas: por un lado, o de Paloma Díaz-Castroverde o de Carmen Quiñoá, ambas as dúas profesoras das actividades socioculturais do Concello e dla Asociación Cultural de Santa María do Temple e, polo outro, as obras de Carmen López Redondo, Avelino Quintela, María Teresa Ponte, Adela López, Concepción Fernández e Rosario Esmorís, alumnos e alumnas das mestras.