Faite oír! Ese é o lema central dunha das próximas actividades da Oficina Municipal de Información Xuvenil -OMIX-. O obxectivo da iniciativa non é outro que involucrar aos máis novos na programación e funcionamiento das casas da xuventude. Para logralo, a OMIX organizará unha xornada de participación que se levará a cabo de forma simultánea tanto en Casa Arrigada como en Casa das Palmeiras.

Ao longo da iniciativa, os mozos e mozas poderán dar a súa opinión e facer propostas de mellora tanto sobre as actividades xuvenís que se realizan nas casas como sobre o funcionamiento destas instalacións.

O encontro terá lugar o venres, 20 de outubro de 18.00 a 20.00 horas. Os mozos que desexen participar terán que apuntarse previamente enchendo o formulario dispoñible na web da OMIX. Lonxe de ser unha acción puntual, o departamento pon en marcha, ano tras ano, diferentes medidas para coñecer a opinión dos seus usuarios e usuarias.