Another Wasted Year, Leria, Inadaptados, The Peawees e Dakidarría actuarán o venres, día 12.
Os concertos de Stonewolf, Sin City Devils, Hemacaos, Agoraphobia, Zenzar e Miguel Costas están previstos para o sábado, día 13.
Tras dous anos de parón pola crise sanitaria da covid-19, a espera para vivir o XXX Rock in Cambre está a piques de terminar. O festival celebrarase o venres, 12 de agosto, e o sábado, día 13, ofrecendo ao público asistente un cartel con numerosos expoñentes do xénero: Los Zigarros, The Peawees, Dakidarría, Agoraphobia, Zenzar, Burning e Costas. A proposta de bandas xa fora anunciada no mes de xuño e, agora, o Concello avanza que día actuará cada grupo. Los Zigarros encabezará a xornada inaugural na noite do venres, mentres que Burning fará o propio o sábado.
A primeira xornada (venres, día 12 de agosto) do Rock in Cambre incluirá as seguintes actuacións: Another Wasted Year, Leria, Inadaptados, The Peawees, Los Zigarros e Dakidarría. Na segunda (sábado, 13 de agosto), subiranse ao escenario do festival Stonewolf, Sen City Devils, Hemacaos, Agoraphobia, Burning, Zenzar e Miguel Costas.
Os concertos terán lugar durante as madrugadas de venres a sábado e de sábado a domingo, entre as 19.00 e as 04.00 horas, aproximadamente. Os primeiros en actuar serán as bandas locais, que darán paso aos grupos Hemacaos e Inadaptados. A continuación, levarase a cabo as actuacións dos grupos procedentes do panorama rockeiro a nivel galego, nacional e internacional.
O vindeiro martes, día 9, está prevista a presentación oficial do XXX Rock in Cambre. O acto servirá para desvelar os horarios e todos os detalles da nova edición do festival. Así mesmo, darase a coñecer a imaxe do cartel de 2022, no que se modernizaron certos aspectos sen renunciar, iso si, á liña estética empregada ao longo destes trinta anos de historia.
