O Concello de Cambre abre o prazo de inscrición no Programa Mañanceiro para o curso 2025-2026
O Concello de Cambre abre, do 23 de xuño ao 23 de xullo de 2025, o prazo de inscrición no Programa Mañanceiro, unha iniciativa dirixida a facilitar a conciliación familiar e laboral das familias con escolares matriculados nos centros de Educación Infantil e Primaria do municipio.
O servizo, que se desenvolverá en días lectivos desde as 7:30 horas ata o inicio das clases, inclúe atención, vixilancia e, opcionalmente, almorzo. O programa terá lugar nos seguintes centros:
-
Escola de Educación Infantil San Bartolomeu de Pravio
-
CEIP Gonzalo Torrente Ballester de Sigrás
-
CEIP Wenceslao Fernández Flórez de Cambre
-
CEIP Emilio González López de Brexo-Lema
-
CEIP Portofaro
-
CEIP Plurilingüe Graxal
A inscrición realizarase a través da sede electrónica ou nos Rexistros do Concello. O número mínimo e máximo de prazas variará segundo o centro e a demanda, cun máximo xeral de 26 escolares por centro.
As solicitudes recibidas no prazo serán valoradas segundo criterios socioeconómicos e familiares. O listado provisional publicarase o 22 de agosto. Ademais, poderanse presentar solicitudes fóra de prazo ao longo do curso, en caso de existir vacantes.
📞 Para máis información, as persoas interesadas poden contactar co Departamento de Educación no 981 613 291 ou no correo electrónico educacion@cambre.org.
📄 Podes consultar toda a información detallada no documento anexo.
INFORMACIÓN MAÑANCEIRO 2025-2026
SOLICITUDE MAÑANCEIRO 2025-2026