A Policía Local ha localizado e denunciado a un infractor da ordenanza de limpeza viaria e ornato público. Os feitos producíronse, onte, na rúa Pumar Méndez, en plena capital municipal. Esta infracción podería carrexar unha sanción de ata 750 euros.

Un axente municipal viu a dous mozos paseando a varios cans. Un dos cans, un pastor alemán, realizou as súas deposicións na beirarrúa. Ante a presenza do axente, o mozo fixo ademán de recoller os excrementos. Con todo, cando o policía decidiu dar a volta para comprobar se os donos retiraran as feces do animal, puido comprobar que estas seguían na rúa e que os mozos seguiran o seu camiño cara á Patiña. O policía interceptounos uns 50 metros máis adiante, identificándoos e informándolles de que serían denunciados por unha infracción na normativa municipal.

Estes feitos están tipificados como unha infracción leve na ordenanza reguladora de limpeza viaria e ornato público, e poderían carrexar unha sanción de ata 750 euros.

Nun principio identificouse ao mozo como o propietario dos cans, requiríndolle para que presentase a documentación en comisaría. Con todo, o mozo recoñeceu que os animais eran dun familiar, concedéndoselle un prazo de sete días para que presentase a cartilla sanitaria e o microchip do can.

Ordenanza

O Concello modificou a ordenanza de limpeza viaria e ornato público en xuño de 2020. Este cambio implicou a introdución de importantes novidades que afectan os donos de animais domésticos. Desde a súa aprobación, as persoas propietarias están obrigadas a portar unha botella con auga ou un desinfectante homologado para disolver as miccións dos cans na vía pública. A maiores, terán que levar consigo unha bolsa para recoller os excrementos dos cans.