A nova convocatoria dos campamentos urbanos de verán de Cambre conta con 504 prazas dispoñibles. As actividades levaranse a cabo en catro quendas durante os meses de xullo e agosto ofrecendo, non só as propias actividades, senón tamén outros servizos complementarios como a atención aos participantes á primeira hora, almorzo, comida e transporte.
As actividades realizaranse no CEIP Wenceslao Fernández Flórez entre o 3 de xullo e o 31 de agosto, e estarán dirixidas a nenos e nenas de 4º, 5º e 6º de educación Infantil, de toda Primaria e de 1º da ESO. En total, o Concello ofertará 504 prazas entre os catro quendas. A 1ª celebrarase do 3 ao 14 de xullo, a 2ª do 17 ao 31 de xullo (excepto o 25, que é festivo), a 3ª do 1 ao 14 de agosto e, a última, do 17 ao 31 de agosto.
Se hai suficientes solicitudes, ofrecerase un servizo de atención a participantes (Mañanceiro), xantar, comida e transporte. Desta forma, os usuarios e usuarias poderían estar no recinto desde as 7.30 ata as 16.30 horas. Durante as actividades, os pequenos e pequenas farán actividades lúdico-deportivas. En todo caso, todas as propostas estarán relacionadas co verán. O prazo de solicitude estará aberto desde o luns, 24 de abril, ata o 5 de maio (ambos os incluídos). A inscrición poderá realizarse por vía telemática a través da sede electrónica ou en calquera dos rexistros de entrada.
Os cambreses e cambresas que necesiten máis información poderán contactar co departamento de Educación chamando ao 981 61 32 91 ou enviando un correo a educacion@cambre.org.
Información xeral campamentos de verán 2023 do Concello de Cambre
Autorización renda campamentos de verán 2023 do Concello de Cambre
Solicitude de inscrición campamentos de verán 2023 do Concello de Cambre
Subvencións a entidades locais da Comunidade Autónoma de Galicia para a promoción da igualdade:
Programa de fomento da conciliación
Secretaría Xeral da Igualdade
