O Concello de Cambre pon á disposición dos veciños e veciñas do municipio unha nova vía de comunicación a través do WhatsApp.
Con este servizo, a cidadanía recibirá información de interese por parte do Concello, como avisos de relevancia, comunicación de cortes de subministración, convocatorias, etc. Pola súa banda, os usuarios e usuarias poderán remitir consultas, propostas e incidencias ao Concello.
Para empezar a wasapear co Concello, os cambreses e cambresas poderán engadir o número 644 44 05 85 á súa lista de contactos e escribir ‘Ola’ no chat. Así mesmo, poderán facer o propio nesta páxina.