Informámosvos de que abrimos un novo prazo de presentación de solicitudes para as actividades socioculturais de proximidade debido á modificación do horario dunha das propostas.
Trátase da de meditación no local social de Bribes, que pasará a levarse a cabo os martes, de 19.00 a 20.00 horas.
As persoas interesadas poderán anotarse ata o venres, 21 de outubro.
En caso de que queden prazas dispoñibles, o período de inscrición manterase aberto. As prazas adxudicaranse por orde de entrada.
As persoas interesadas poderán tramitar a súa inscrición presentando o formulario de solicitude e o resto de documentación necesaria pola sede electrónica do Concello de Cambre ou de forma presencial en calquera dos rexistros de entrada (neste caso, deberán solicitar cita previa).
