A Oficina Municipal de Información Xuvenil de Cambre prepárase para vivir un abril de película. O cinema será o gran protagonista da programación do mes en Casa Palmeiras, que incluirá proxeccións, maratón de películas e mesmo charlas-coloquio para que os mozos poidan reflexionar sobre cada obra.
O calendario de propostas arrincará este venres, 4 de abril, ás 18.00 horas. Trátase dunha xornada esencial e que marcará a actividade durante o resto de días xa que os mozos terán a oportunidade de decidir que películas queren ver. A intención é que a oferta final inclúa películas en galego, de animación e tamén algunha proposta de cinema mudo.
As películas que escollan proxectaranse os días 11 e 25 de abril (de 18.00 a 20.00 horas) e os días 14, 15 e 16, cando a OMIX celebrará un auténtico maratón para cinéfilos. Isto levarase a cabo tanto en horario de mañá como de tarde, de 12.00 a 13.30 horas e de 18.00 a 19.30 horas.
As persoas interesadas poderán inscribirse a través do seguinte formulario web:
