O Club Baloncesto Cambre continúa promovendo a práctica deste deporte entre os máis novos. Faino por medio de iniciativas como o Básquet na rúa, un programa que arrincou o pasado sábado e que se prolongará durante os próximos meses con visitas a todas as parroquias do municipio. A alcaldesa, María Pan, e o concelleiro de Cultura, Deportes e Xuventude, Óscar Barrientos, recibiron, hoxe, ao presidente do CB Cambre, Javier Prieto, aos adestradores, Anxo Nadela e Martín Ruíz quen, ademais, é fisioterapeuta do Club.

A pista deportiva da Ría acolleu, o pasado sábado, unha proba piloto na que se solicitaron unhas boas cifras de participación. En total, tomaron parte preto de 30 mozos de entre 7 e 13 anos. A maioría, naturais de Cambre, aínda que tamén se contou con participantes doutros municipios como A Coruña. Ao longo da actividade, que se desenvolveu durante tres horas, os mozos puideron aprender e perfeccionar as súas destrezas neste deporte con exercicios de habilidades, unha yincana de xogos, competicións etc.

A próxima actividade levará a cabo no mes de outubro. Con todo, a previsión do CBC Cambre é alongar a proposta, organizando xornadas unha vez ao mes e variando as localizacións. Desta forma, a idea é que Básquet na rúa se poida levar a cabo nas instalacións deportivas de todas as parroquias.