O Concello abrirá o luns, 8 de xaneiro, o prazo de inscrición da XV Xuntanza do Maior. Este encontro terá lugar o 21 de xaneiro e, durante o mesmo, prevese reunir a 700 personas maiores de 65 anos no pavillón dos Campóns.
O evento arrincará ás 13.00 e concluirá ás 20.30 horas. Nesta ocasión, o menú constará de tres pratos: callos de primeiro, carne asada con patacas e guarnición, de segundo, e larpeira e queixo do país con membrillo de postre. Con todo, ademais da comida, os comensais poderán gozar da actuación musical a cargo dunha orquestra.
A actividade está integrada dentro da programación anual dirixida a veciños e veciñas da terceira idade do municipio. Con esta oferta, búscase fomentar a participación e o encontro social entre este colectivo.
O prazo de solicitude estará aberto desde o luns, día 8, ao 16 de xaneiro (ambos incluidos). As persoas interesadas poderán apuntarse no salón de plenos do Concello, en horario de 9.00 a 11.00 horas.
Os asistentes deberán ter 65 anos ou máis e estar empadroados no municipio. En caso de que houbesen prazas dispoñibles, estas poderán cubrirse por persoas non empadroadas o 17 de xaneiro en horario de 9.00 a 10.00 no salón de plenos.
Estaba previsto que este evento se celebrase en outubro de 2023, pero a tramitación do expediente retrasouse, por diversos motivos, o que fixo que a data pospoñérase ata xaneiro do 2024.
