O obradoiro, dirixido a persoas en situación de desemprego, centrarase nos ámbitos de xeriatría e discapacidade.
Este ano aumenta a duración, pasando de 9 a 12 meses.

Un ano máis, o Concello promoverá a inserción laboral doutros 20 veciños e veciñas en situación de desemprego a través do obradoiro de emprego PROXEDIS-CAMBRE (PROfesionais en XEriatría e DIScapacidade).

A previsión é que a nova convocatoria comece o 19 de setembro e finalice o 18 de setembro de 2023, aumentando así a súa duración con respecto ás convocatorias anteriores, pasando de 9 a 12 meses. No caso do equipo docente e directivo, contratarase a un director, a un auxiliar administrativo, a dous docentes para a área psicosocial (un a xornada completa e outro a media) e un para a área sanitaria.

O lanzamento desta convocatoria reforza o compromiso do equipo de goberno coa xeración de emprego no municipio. Tal e como explica o concelleiro de Desenvolvemento Socioeconómico, Diego Alcantarilla, trátase dunha profesión “cunha alta demanda no mercado laboral”.

O PROXEDIS-CAMBRE levará a cabo no Centro Municipal de Formación durante catro meses e os oito restantes o alumnado fará traballo práctico, rotando nos dous ámbitos, por unha banda en centros de terceira idade e polo outro en centros de discapacidade.