Ocupa unha superficie de 40,6 quilómetros cadrados, cunha poboación crecente de máis de 24.500 habitantes. Está formado por 12 parroquias que se mantiveron con límites estables dende a Idade Media e forma parte da histórica comarca das Mariñas dos Frades.
As temperaturas son relativamente cálidas, sen grandes variacións térmicas. A orografía está determinada pola proximidade do mar e polo val do río Mero, que morre formando a Ría do Burgo-Templo. Así, configúrase un gran val con outros máis pequenos, perpendiculares, que debuxan unha imaxe xeral de gran suavidade orográfica.