O Concello destinará medio millón de euros a executar melloras en 30 camiños municipais

12 Xuñ 2024

A xunta de goberno local aprobou, esta semana, o expediente de contratación dun novo plan de mantemento de camiños municipais. O proxecto sairá a licitación cun orzamento de 457.321,77 euros e implicará melloras nunhas 30 vías das seguintes parroquias: Bribes, Cecebre, Anceis, Cambre, Meixigo, Cela, Sigrás e Pravio. O edil de Urbanismo, Obras, Servizos, Transporte e Medio Ambiente, Juan González Leirós, explica que, ademais da partir dos traballos de inspección do persoal técnico, “moitas das actuacións faranse tendo en conta as demandas trasladadas polos veciños e veciñas destas zonas”. O concelleiro lembra que estas obras darán continuidade aos plans de conservación realizados no mandato anterior, “cando se investiu medio millón de euros do remanente municipal para cumprir coas peticións veciñais, a meirande parte relacionadas coa mellora das condicións de seguridade dá rede municipal”.

En liñas xerais, o proxecto municipal implicará a roza de cunetas e marxes en ambos os sentidos; fresado ou escarificado e rebaixe do pavimento asfáltico; limpeza de calquera material e varrido do firme para a extensión de mesturas bituminosas; formación do pavimento; recrecido de pozos, sumidoiros e outros rexistros; e reposición da sinalización vertical e horizontal.

As actuacións prolongaranse ao longo de boa parte do municipio, sendo estas algunhas das zonas de actuación: Estorrentada, Samosteiro, Meixigo, As Pereiras, Pena da Nosa Señora (Cambre), A Patiña (Cela), Carballás y San Bartolomeu (Pravio), Pena, Pontido y Pite (Sigrás), Piñeiro y Aldea de Arriba (Cecebre), Peiraio, Fontaíña, Barral, Nebrixe (Bribes) y Altamira, A Rocha, As Gamelas, Seoane (Anceis), entre outros puntos.

As intervencións realizaranse a través do POS+Adicional da Deputación da Coruña e contarán cun prazo de execución de dous meses (a partir da firma da acta de comprobación do reformulo).

Tamén che pode interesar